بتستهدف شركة تطوير مصر الطرح في البورصة المصرية في سنة ٢٠٢٧ بالتزامن مع ترتيب تمويل مشروعها "سولت" في الساحل الشمالي بقيمة ٧٠ مليار جنيه ووسط تجهيزات لطروحات تانية كتيرة في السوق.

مؤشر إي جي إكس ٣٠ طلع بنسبة ٠٫٧٪ وقفَل عند ٥٢٦٠٨ نقطة، في حين إن مؤشر إي جي إكس ٧٠ زاد بنسبة ٠٫٥٪ وقفَل عند ١٦٥٦٣ نقطة، ومؤشر إي جي إكس ١٠٠ كمان ارتفع بنسبة ٠٫٤٪ وقفَل عند ٢٢٣٤٧ نقطة

قيمة التداول وصلت لـ٩٫٦٣٠ مليار جنيه، من خلال ٢٠٨٬٠٣٠ عملية على حوالي ٣٫٣٢١ مليار سهم

المستثمرين الأجانب كانوا الوحيدين اللي سجلوا صافي شراء

أبرز الأسهم الكسبانة في السوق كله: الإسكندرية للخدمات الطبية - المركز الطبي الجديد (+٢٠٫٠٪)، القاهرة للأدوية (+١٢٫٠٪)، وتايكون انفستمنتس هولدنج (+٩٫٦٪)

أما الخسرانة: مجموعة النعيم العقارية (-٤٫٦٪)، بايونيرز بروبرتيز للتنمية العمرانية (-٤٫٠٪)، ورواد السياحة (-٢٫٧٪)

بالنسبة لمؤشر إي جي إكس ٣٠: أبرز الكسبانة كانت القلعة (+٢٫١٪)، جي بي كورب (+١٫٩٪)، ومجموعة طلعت مصطفى (+١٫٨٪)

أما الخسرانة: المصرية للاتصالات (-١٫٧٪)، مصر الجديدة للإسكان والتعمير (-١٫٥٪)، ومصرف أبو ظبي الإسلامي - مصر (-١٫٠٪)

إحصائيات مهمة تانية

سعر جرام الدهب عيار ٢٤ وصل لـ٦٦١١ جنيه، مرتفع بنسبة ١٫٠٪ يوميًا، لكنه لسه منخفض بنسبة ٦٫٨٪ على أساس شهري

الدولار كان بيتداول عند ٥٠٫١٧ جنيه في البنك الأهلي المصري

تستهدف شركة تطوير مصر قيد أسهمها في البورصة المصرية في ٢٠٢٧، وده بعد ما قضت السنتين اللي فاتوا في إعادة هيكلة الحوكمة وتوسيع قاعدة التمويل بتاعتها، بحسب تصريحات الرئيس التنفيذي أحمد شلبي لـ "إنتربرايز". وبتتوقع الشركة تسجيل تالت سنة ربحية ليها على التوالي في ٢٠٢٦ — وده بيستوفي واحد من الشروط الرئيسية للقيد في البورصة — وقربت خلاص من تعيين مستشار للطرح، ورغم كده رفض شلبي إنه يعلن عن اسم الشركة في تصريحاته لقناة العربية

تمويل المشروع الأبرز في الساحل الشمالي

الاستعدادات للطرح في البورصة بتجري بالتزامن مع جهود تمويلية ضخمة؛ بتشتغل "تطوير مصر" على تجميع حزمة التمويل الخاصة بمشروع "سولت" (وهو مشروع متعدد الاستخدامات في الساحل الشمالي بتكلفة تبلغ ٧٠ مليار جنيه)، وده من خلال مزيج بيجمع بين التدفقات النقدية الداخلية للشركة، وعوائد المبيعات، والتمويلات البنكية طويلة الأجل، وفي محادثات متقدمة شغالة دلوقتي مع كذا بنك محلي. وكمان هيساعد في تمويل المشروع برنامج توريق مدته خمس سنين بقيمة ٢٠ مليار جنيه تم إطلاقه مؤخراً

جدول طروحات زحمة في الفترة اللي جاية

ممكن تنضم "تطوير مصر" لجدول طروحات أولية زحمة جداً: بتجهز شركة "القلعة القابضة" لطرح شركة "مزارع دينا" في البورصة في ٢٠٢٧، في وقت أجلت فيه مجموعة "لأهرام لنظم الأمان" خطتها للطرح الأولي بالبورصة للسنة اللي جاية لحد ما تستقر على المستشار وهيكل الطرح. وفي نفس الوقت، بتشتغل شركة "بي إنفستمنتس" على التجهيز للطرح الأولي لسلسلة "صيدليات العزبي"، واللي كان رئيس مجلس الإدارة حازم بركات صرح قبل كده إنها ممكن تسجل أول ظهور ليها في السوق في ٢٠٢٧ كمان

هيبكو للاستثمارات التجارية والتطوير العقاري: تاريخ الحق في توزيع أسهم مجانية بمعدل ٠٫٨ سهم لكل سهم أصلي. وتاريخ التوزيع هيكون ١٦ يوليو

٢٠ يوليو

بي إنفستمنتس: نهاية الحق في الكوبون النقدي بقيمة ٠.٠٣٠ دولار للسهم الواحد. وتاريخ التوزيع هيكون ٢٦ يوليو

٢٦ يوليو

لوتس للتنمية والاستثمار الزراعي: نهاية الحق في أسهم مجانية بواقع ٠.٢٦٦ سهم لكل سهم أصلي. وتاريخ التوزيع هيكون ٢٧ يوليو

جورمية إيجيبت - نهاية الحق في الكوبون النقدي بقيمة ٠.٢١٦ جنيه للسهم الواحد. وتاريخ التوزيع هيكون ٢٩ يوليو

٢٩ يوليو

جي بي كورب: تاريخ توزيع كوبون بقيمة ٠٫١٥ جنيه للسهم. وكان تاريخ الحق في التوزيع يوم ٢٦ أبريل

٣٠ يوليو

مصر لإنتاج الأسمدة: تاريخ توزيع كوبون بقيمة ١ جنيه للسهم. وكان تاريخ الحق في التوزيع يوم ٣ مايو

مجموعة طلعت مصطفى القابضة: تاريخ توزيع كوبون بقيمة ٠٫١٥ جنيه للسهم. وكان تاريخ الحق في التوزيع يوم ١٨ مايو