النهاردة: مصر بتقرب أكتر من إطلاق برنامج الطروحات الحكومية، ومتوقع يبدأ التداول بالبورصة المصرية على أول مجموعة من الشركات الحكومية المقيدة مؤقتًا في الربع الرابع، وده بالإضافة لأخبار عن قيام المصرية للتكرير التابعة للقلعة القابضة بسداد ديونها الرئيسية بالكامل، وهي خطوة بتمهد الطريق لتوزيعات أرباح محتملة مع استمرار تعافي أرباح الشركة

مؤشر إي جي إكس ٣٠ نزل بنسبة ١٫٠٪ وقفَل عند ٤٩٨٢٥ نقطة، في حين إن مؤشر إي جي إكس ٧٠ طلع بنسبة ٠٫٨٪ وقفَل عند ١٥١٨٥ نقطة، ومؤشر إي جي إكس ١٠٠ كمان زاد بنسبة ٠٫٦٪ وقفَل عند ٢٠٧٣٣ نقطة

قيمة التداول وصلت لـ٦٫٤٢٧ مليار جنيه، من خلال ١٦٦٬١٣٨ عملية على حوالي ١٫٤٨٣ مليار سهم

المستثمرين الأجانب كانوا الوحيدين اللي سجلوا صافي بيع

أبرز الأسهم الكسبانة في السوق كله: دلتا للطباعة والتغليف (+٢٠٫٠٪)، جولدن تكس للأصواف (+٢٠٫٠٪)، والاسكندرية للخدمات الطبية (+٢٠٫٠٪)

أما الخسرانة: العربية وبولفارا للغزل والنسيج (-٤٫٩٪)، روبكس العالمية لتصنيع البلاستيك والأكريلك (-٤٫١٪)، ووثائق صندوق استثمار أودن (-٣٫٧٪)

بالنسبة لمؤشر إي جي إكس ٣٠: أبرز الكسبانة كانت إيديتا (+٤٫٨٪)، راية القابضة (+٢٫٥٪)، وأوراسكوم كونستراكشون (+٢٫٠٪)

أما الخسرانة: الشرقية - ايسترن كومباني (-٢٫٩٪)، البنك التجاري الدولي (-٢٫٣٪)، وجهينة (-١٫٦٪)

إحصائيات مهمة تانية

سعر جرام الدهب عيار ٢٤ وصل لـ٦٤١٨ جنيه، منخفض بنسبة ١٫٣٪ يوميًا لكنه منخفض بنسبة ١٧٫٣٪ شهريًا

الدولار كان بيتداول عند ٤٩٫٢٥ جنيه في البنك الأهلي المصري

برنامج الطروحات الحكومية في مصر بيدخل مرحلته الجاية، ومتوقع يبدأ التداول بالبورصة المصرية على أول مجموعة من الشركات الحكومية المقيدة مؤقتًا في الربع الرابع من السنة دي، بحسب ما نشرته إنتربرايز نقلاً عن رئيس وحدة الشركات المملوكة للدولة، هاشم السيد. الإطلاق المنتظر ده بييجي في وقت بتستمر فيه الحكومة في توسيع قائمة الشركات التابعة ليها الجاهزة للطرح، مع دفع طروحات جديدة في قطاعي البترول والتأمين

توسيع الطروحات المؤقتة مستمر

 أدرجت الحكومة لغاية دلوقتي ٢٠ شركة حكومية قيدًا مؤقتًا بعد ما خصصت رموز تداول بالبورصة لأربع شركات إضافية. الإضافات الأخيرة دي شملت شركات إنبي، وخدمات البحرية البترولية، والمصرية لإنتاج الألكيل بنزين الخطي (إيلاب)، وشركة المعمورة التابعة للشركة القابضة للسياحة والفنادق (إيجوث). وبحسب ما قاله رئيس الهيئة العامة للرقابة المالية، إسلام عزام، فالشركات البترولية الثلاثة بيمتلكوا رأس مال دفتري مجمع بيبلغ حوالي ٣٥ مليار جنيه، في حين إن قيمتهم العادلة المقدرة أعلى بكتير من كده. وكمان إدراج الشركات دي بيقرب مصر من الوفاء بالتزامها مع صندوق النقد الدولي بطرح ١٠ شركات بترول في السوق، ومتوقع تتبعهم شركتا بتروجيت وميدور في شهر يوليو. أما شركة المعمورة، فتم قيد ٢٥ مليون سهم ليها بقيمة اسمية ١٠ جنيهات للسهم الواحد، وبكده بقت ثالث شركة تابعة للقابضة للسياحة والفنادق تخلص إجراءات القيد المؤقت بعد شركتي مصر للسياحة وإيجوث

تجهيزات التداول مستمرة

 ونقلت إنتربرايز عن هاشم السيد إن التداول مش هيبدأ إلا بعد ما تخلص كل شركة دراسة القيمة العادلة بتاعتها وتعين مستشار للطرح معتمد من الهيئة العامة للرقابة المالية. وأضاف إن اهتمام المستثمرين ظهر بالفعل في كل الشركات المقيدة مؤقتًا، وكل شركة جالها عروض استحواذ متعددة. وقال السيد كمان إن الحكومة بدأت تبعد عن فكرة تحديد نسب مسبقة لبيع الحصص، ومتوقع إن حجم الطروحات المستقبلية يعكس تقييمات السوق وحجم طلب المستثمرين

شركات البترول ممكن تتداول بالدولار الأمريكي

 وفي تصريحات تانية نقلتها منصة الشرق، قال السيد إنه من المتوقع تداول شركات البترول الثلاثة المقيدة مؤقتًا بالدولار الأمريكي في البورصة المصرية. وأضاف إن فكرة القيد المزدوج في السوق المالي السعودي لسه تحت الدراسة، وده بشرط الحصول على موافقات الجهات المعنية والقوانين المنظمة

مصر لتأمينات الحياة تقترب من الطرح الأولي

ومن ناحية تانية، وافقت مصر القابضة للتأمين على خطط لطرح حصة ٢٠٪ من شركتها التابعة "مصر لتأمينات الحياة" في البورصة المصرية، وده خلال جمعية عامة غير عادية حضرها وزير الاستثمار محمد فريد. وسجلت شركة التأمين الحكومية ارتفاعًا بنسبة ٣٢٪ على أساس سنوي في صافي الدخل المجمع والأرباح المحتجزة ليصل لـ٣٧ مليار جنيه في السنة المالية ٢٠٢٥. وارتفع إجمالي الأقساط المكتتبة بنسبة ١٢٪ ليسجل ٤٠٫٤ مليار جنيه، في حين زاد إجمالي الأصول بنسبة ١٣٪ ليوصل لـ٢٤٧ مليار جنيه. كمان أكدت مصر لتأمينات الحياة على تصنيف القوة المالية بتاعتها من مؤسسة "إيه إم بيست" عند مرتبة "ب++" والتصنيف الائتماني طويل الأجل للمصدر عند "ب ب ب"، وده بيأكد على قوة مركزها المالي قبل الطرح المخطط له

 وفي نفس الوقت، عين صندوق مصر السيادي شركة إي اف جي هيرميس كمنسق دولي ومدير سجل الاكتتاب الوحيد للطرح، وبتستهدف الحكومة الإعلان عن شريحة الطرح الخاص خلال النص الأول من شهر يوليو بمجرد الانتهاء من دراسة القيمة العادلة

بعد سنين من تحمل أعباء ديون تقيلة، سددت الشركة المصرية للتكرير، التابعة لشركة القلعة القابضة (١٣% ملكية)، ديونها الرئيسية بالكامل، وده بيمهد الطريق لبدء توزيع أرباح على المساهمين بشرط موافقة الجمعية العمومية، بحسب إفصاح أرسلته الشركة للبورصة 

والشركة كمان شغال حاليًا على سداد ديون ثانوية بقيمة ٢٠٠ مليون دولار، وهي خطوة هتقوي مركزها المالي أكتر

انتعاش قوى في الربحية

 سداد الديون ده بييجي بالتوازي مع تعافي قوي جدًا في الأرباح، حيث متوقع إن المصرية للتكرير تسجل صافي ربح بحوالي ٣٧٥ مليون دولار في النص الأول من ٢٠٢٦ — ودا بيدخل فيه حوالي ٦٠ مليون دولار متوقعة في شهر يونيو الحالي لوحده — مقارنة بصافي خسارة سجلتها في نفس الفترة من ٢٠٢٥

النتائج المالية الأخيرة عكست التعافإي

 وكانت المصرية للتكرير سجلت إيرادات بقيمة ٣٣٫٨ مليار جنيه خلال الربع الثالث من سنة ٢٠٢٥، وده يعتبر مستقر بشكل كبير مقارنة بالسنة اللي قبلها، في حين إن صافي الربح قفز بنسبة ٤٣٧٪ على أساس سنوي ليصل لـ٩٣١٫٧ مليون جنيه، ارتفاعًا من ١٧٣٫٣ مليون جنيه في الربع الثالث من ٢٠٢٤، بدعم من تحسن هوامش تكرير البترول

البورصة المصرية إجازة بمناسبة ذكرى ثورة ٣٠ يونيو

٧ يوليو

دلتا للتأمين: تاريخ الحق في توزيع أسهم مجانية بمعدل ٠٫١ سهم لكل سهم أصلي. وتاريخ التوزيع هيكون ٨ يوليو

بنك التعمير والإسكان: تاريخ الحق في توزيع أسهم مجانية بمعدل ١ سهم لكل سهم أصلي. وتاريخ التوزيع هيكون ٨ يوليو

مصر للفنادق: تاريخ الحق في توزيع أسهم مجانية بمعدل ١ سهم لكل سهم أصلي. وتاريخ التوزيع هيكون ٨ يوليو

٢٩ يوليو

جي بي كورب: تاريخ توزيع كوبون بقيمة ٠٫١٥ جنيه للسهم. وكان تاريخ الحق في التوزيع يوم ٢٦ أبريل

٣٠ يوليو

مصر لإنتاج الأسمدة: تاريخ توزيع كوبون بقيمة ١ جنيه للسهم. وكان تاريخ الحق في التوزيع يوم ٣ مايو

مجموعة طلعت مصطفى القابضة: تاريخ توزيع كوبون بقيمة ٠٫١٥ جنيه للسهم. وكان تاريخ الحق في التوزيع يوم ١٨ مايو

١. توصلت مصر لاتفاق على مستوى الخبراء مع صندوق النقد الدولي، وده بيمهد الطريق للحصول على ١٫٥ مليار دولار ضمن برنامج قرضنا البالغ ٨ مليار دولار، بالإضافة لـ١٣٦ مليون دولار تانية من خلال تسهيل الصلابة والاستدامة، بحسب بيان رسمي. الحزمة دي، اللي لسه مستنية موافقة المجلس التنفيذي للصندوق، هترفع إجمالي التمويلات المصروفة لمصر لـ٧٫٢ مليار دولار، وأشاد رئيس بعثة صندوق النقد الدولي لمصر، أمين ماتي، باستجابة مصر للصدمات الإقليمية، وبما يشمل تعديلات أسعار الوقود والكهرباء وتطبيق سعر صرف مرن ساعد في استيعاب خروج الاستثمارات الأجنبية غير المباشرة

٢. أسندت شركة مدن القابضة عقد بنية تحتية بقيمة ١٠ مليارات جنيه للحي الأول من مشروع رأس الحكمة العملاق، واللي بتبلغ قيمته الإجمالية ٣٥ مليار دولار، لتحالف بيضم شركتي رواد الهندسة الحديثة واتحاد المقاولين العالمية، بحسب ما نقلته منصة الشرق عن مصادر ليها. ودي بتعتبر ثاني حزمة أعمال إنشائية رئيسية يتم إسنادها في المشروع الساحلي بعد ما حصلت شركة أوراسكوم كونستراكشون على عقد بقيمة ١٥ مليار جنيه في وقت سابق من السنة دي