النهاردة: فيركيم أعلنت عن خطة لمجمع فوسفات جديد في السخنة والمصرف المتحد بيسعى لتمويل بـ ١٥٠ مليون دولار للمشاريع الخضراء، وعندنا كمان أخبار عن القيد المؤقت لـ ٦ شركات حكومية وجاهزية نشرة طرح بنك القاهرة

مؤشر إي جي إكس ٣٠ ارتفع بنسبة ٤٫١٪ وقفَل عند ٤٨٬٥٩٣ نقطة، مؤشر إي جي إكس ٧٠ ارتفع بنسبة ١٫٣٪ وقفَل عند ١٢٬٩٦٨ نقطة، ومؤشر إي جي إكس ١٠٠ ارتفع بنسبة ١٫٦٪ وقفَل عند ١٨٬١٤٣ نقطة

قيمة التداول وصلت لـ١١٫٧٨٧ مليار جنيه، من خلال ٢٠٦٬١٠٤ عملية على حوالي ٢٬٤٢٧٬٨٨١٬٥٨٦ سهم

المستثمرين الإقليميين كانوا الوحيدين اللي سجلوا صافي بيع

أبرز الأسهم الكسبانة في السوق كله: الشركة العربية لإدارة وتطوير الأصول (+١٠٫٥٪)، قناة السويس لتوطين التكنولوجيا (+٩٫٧٪)، واوراسكوم كونستراكشون (+٨٫٧٪)

أما الخسرانة: فالمور القابضة - جنيه (-٥٫٥٪)، القاهرة للخدمات التعليمية (-٥٫٣٪)، وسيدي كرير للبتروكيماويات (-٥٫٣٪)

بالنسبة لمؤشر إي جي إكس ٣٠: أبرز الكسبانة كانت أوراسكوم كونستراكشون (+٨٫٧٪)، جموعة طلعت مصطفى القابضة (+٨٫١٪)، وإيديتا (+٧٫٧٪)

أما الخسرانة: فالمور القابضة - جنيه (-٥٫٥٪)، مصر للالومنيوم (-٥٫٠٪)، والقلعة (-٤٫٤٪)

إحصائيات مهمة تانية

٪سعر جرام الذهب عيار ٢٤ وصل لـ٨٬٢١٤ جنيه، نازل يوميًا بنسبة ٠٫١٪ ونازل شهريًا بنسبة ١٫٩

الدولار وصل لـ٥٣٫٢٧ جنيه في البنك الأهلي المصري

١. شركة فيركيم مصر للأسمدة والكيماويات أعلنت امبارح إنها قربت توقّع اتفاقية لتأسيس شركة مساهمة جديدة باسم "النيل فيركيم للأسمدة الفوسفاتية"، عشان تعمل مجمع صناعي متكامل في منطقة السخنة. المشروع هدفه تحويل خام الفوسفات منخفض الجودة لأسمدة قيمتها أعلى، وشركة فيركيم هتملك حصة حاكمة بنسبة ٪٦٠

٢. المصرف المتحد بيخطط للحصول على تمويلات بحوالي ١٥٠ مليون دولار من مؤسسات تمويل دولية خلال السنتين الجايين، عشان يزود تمويل المشروعات الخضراء والشركات الصغيرة والمتوسطة. القروض دي لسه في مرحلة التفاوض مع ٤ جهات تمويل، ومتوقع مدتها توصل من ٥ لـ ٧ سنين، بحسب تصريحات رئيس البنك لـ الشرق

أخبار الطروحات الأولية

٣. البورصة المصرية أدرجت امبارح ٦ شركات حكومية ضمن القيد المؤقت. الشركات دي هي: النهضة للصناعات، والمصرية للسبائك، والنصر لصناعة الزجاج والبلور، والنصر للتعدين، والإسكندرية للحراريات، والمصرية للمواسير والصناعات الإسمنتية المعروفة باسم سيجورات

٤. مصر بتقرب من خطوة طرح بنك القاهرة في البورصة بعد ما خلصت نشرة الاكتتاب، ودي خطوة مهمة في برنامج الطروحات الحكومية. ميعاد الطرح هيتحدد بناءً على حالة السوق عشان يضمنوا أحسن تقييم وإقبال من المستثمرين، وده بحسب تصريحات مسؤول كبير لـ العربية

البنك التجاري الدولي - ميعاد صرف كوبون الأرباح بقيمة ٦ جنيه للسهم الواحد. تاريخ الاستحقاق كان يوم ٦ أبريل

العربية للأسمنت - نهاية الحق في كوبون بقيمة ٥.٣٤ جنيه للسهم. وتاريخ التوزيع يوم ١٦ أبريل

بنك البركة - نهاية الحق في كوبون بقيمة ١.١ جنيه للسهم. وتاريخ التوزيع يوم ١٦ أبريل

المصريين للإسكان والتنمية والتعمير - نهاية الحق في كوبون بقيمة ٠.١ جنيه للسهم. وتاريخ التوزيع يوم ١٦ أبريل

١. البنك الدولي ثبت توقعاته لنمو الاقتصاد المصري في السنة المالية ٢٠٢٥-٢٠٢٦ عند ٤.٣٪، وده بحسب أحدث تقرير إقليمي ليه. البنك أرجع ده للنمو القوي في النص الأول من السنة المالية، واستقرار الاستهلاك العائلي، وزيادة استثمارات القطاع الخاص. لكن في نفس الوقت، أشار إن السيطرة على التضخم ماشية أبطأ من المتوقع بسبب الصراعات اللي بتحصل في المنطقة

٢. البنك المركزي المصري بيجهز عشان يجدد وديعة كويتية بقيمة ٢ مليار دولار مستحقة الشهر ده، وفي اتفاق مبدئي حصل فعلاً، وده بحسب كلام مسؤول بنكي كبير لـ "إنتربرايز". الوديعة هتستمر بنفس شروطها لحد ما تخلص خطط تحويل ٤ مليار دولار من الفلوس الكويتية لاستثمارات مباشرة في قطاعات محلية. الخطوة دي لو تمت، هتوفر حماية قوية للمالية المصرية في ظل حالة عدم الاستقرار اللي بتمر بيها المنطقة