النهاردة: معانا أخبار أرباح من شركة باندا وشركة الجيزة العامة للمقاولات، تطورات تانية في السوق + شوية أخبار مهمة من قطاع إنتاج الأسمدة . يلا ندخل في التفاصيل

مؤشر إي جي إكس ٣٠ نزل بنسبة ١٫٦٪ وقفَل عند ٥١٧٦٩ نقطة، في حين إن مؤشر إي جي إكس ٧٠ نزل بنسبة ٠٫٨٪ وقفَل عند ١٥٥٩٦ نقطة، ومؤشر إي جي إكس ١٠٠ كمان تراجع بنسبة ١٫٦٪ وقفَل عند ٢١٣٢٤ نقطة

قيمة التداول وصلت لـ٩٫٠٦٧ مليار جنيه، من خلال ١٨٧٬٢٥٥ عملية على حوالي ٢٫١٢٢ مليار سهم

المستثمرين العرب كانوا الوحيدين اللي سجلوا صافي شراء

أبرز الأسهم الكسبانة في السوق كله: توسع للتخصيم (+١٥٫٨٪)، كونتكت المالية القابضة (+٨٫٩٪)، ومصر للأسواق الحرة (+٨٫٣٪)

أما الخسرانة: تايكون انفستمنتس هولدنج (-٢٠٫٠٪)، وحق اكتتاب أسباير كابيتال (-٨٫٨٪)، والمصرية العربية "ثمار" لتداول الأوراق المالية والسندات (-٦٫٢٪)

بالنسبة لمؤشر إي جي إكس ٣٠: أبرز الكسبانة كانت أوراسكوم للاستثمار (+٣٫٧٪)، المصرية للاتصالات (+٠٫٢٪)، وأبو قير للأسمدة (+٠٫١٪)

أما الخسرانة: راية القابضة (-٥٫١٪)، مصر للألومنيوم (-٢٫٩٪)، ومصر الجديدة للإسكان والتعمير (-٢٫٩٪)

إحصائيات مهمة تانية

سعر جرام الدهب عيار ٢٤ وصل لـ٦٦٩٥ جنيه، منخفض بنسبة ٢٫٤٪ يوميًا ومنخفض بنسبة ١٤٫٠٪ شهريًا

الدولار كان بيتداول عند ٤٩٫٦٧ جنيه في البنك الأهلي المصري

١. سجلت الشركة العربية لمنتجات الألبان "أراب ديري - باندا" تدهور حاد في أدائها خلال الربع الأول: ارتفعت خسائرها الصافية بنسبة ٢٨٨٪ لتصل لـ١٢٢٫٩ مليون جنيه، بحسب إفصاح للبورص. النتيجة الضعيفة دي جت بالتزامن مع هبوط كبير في الإيرادات، اللي نزلت لـ٥٦٤ مليون جنيه مقارنة بـ٧٧٦ مليون جنيه بسبب تباطؤ حركة المبيعات. وجدير بالذكر إن سعر سهم الشركة هبط بنسبة ٤٫٢٪ بعد إعلان النتائج دي، والانخفاض ده بيخلي السهم متراجع بنسبة ٤٫٩٪ من بداية السنة، على الرغم إنه لسة مرتفع بنسبة ٣١٫٤٪ على مدار الـ١٢ شهر اللي فاتوا

٢. ضاعفت الجيزة العامة للمقاولات والاستثمار العقاري صافي أرباحها بأكثر من المرتين خلال الربع الأول: سجلت صافي ربح مجمع ٤٤٫٧ مليون جنيه، بحسب إفصاح للبورصة. النتيجة دي بتمثل زيادة بنسبة ١٠٩٫٥٪ على أساس سنوي، وده بيعكس بداية قوية للسنة بالنسبة لشركة المقاولات. وقيمة سهم الشركة متراجعة بنسبة ٢٫١٪ من بداية سنة ٢٠٢٦، على الرغم من صعوده بنسبة ٠٫٧٪ بنهاية جلسة إمبارح، ومقارنة بالمستويات المتسجلة من سنة فاتت، فالسهم مرتفع بنسبة ٪٢٦٫١

أخبار بعيدة عن الأرباح

٣. حصلت شركة الإسكندرية لتداول الحاويات والبضائع على موافقة مبدئية من مجلس إدارتها لتطوير منطقة لوجستية متكاملة في الإسكندرية، ورغم كده لسه التفاصيل الرئيسية زي المكان، والتكلفة، والجدول الزمني ما أعلنتش عنها الشركة لغاية ما تخلص الدراسات الفنية والمالية، بحسب بيان صادر عنها. والشركة، اللي بتدير محطتين وبتتعامل مع حوالي ٦٠٪ من حجم التجارة الخارجية لمصر، لسه بتدرس إذا كانت هتنفذ المشروع ده بشكل مباشر، أو من خلال تأسيس شركة ذات غرض خاص، أو بالشراكة مع مستثمرين استراتيجيين

٤. عدل التحالف اللي بيتكون من شركة نيو كونستركشن كيميكال وشركة أسكوم للاستثمار العقاري عرض الشراء الاختياري المقدم على أسهم شركة الإسكندرية للغزل والنسيج (سبينالكس)، وبقى العرض بيستهدف شراء ٤٨٫٤١ مليون سهم، بنسبة توازى ١٣٫٤٢٪ من رأسمال الشركة (وده بعد ما كانت النسبة المستهدفة ٢٠٪ قبل كده)، وتم تحديد سعر العرض عند ١٥ جنيه مصري للسهم الواحد. وبكده القيمة الإجمالية للصفقة بتوصل لحوالي ٧٢٦ مليون جنيه. وفي حال تنفيذ العرض بالكامل، الحصة الإجمالية للتحالف هتوصل لـ٣٣٫٣٣٪ كحد أقصى، والموضوع ده لسه مستني موافقة الهيئة العامة للرقابة المالية. وجدير بالذكر إن سعر سهم سبينالكس قفل إمبارح عند ١٣٫٨ جنيه، بارتفاع بنسبة ٣٨٫٣٪ من بداية السنة، ومقارنة بالمستويات المتسجلة على مدار الـ١٢ شهر اللي فاتوا، فالسهم مرتفع بنسبة ٪٥٠٫٧

٥. وافق مجلس النواب المصري بشكل نهائي على تعديلات قانون ضريبة الدمغة على تعاملات البورصة، وبقت الضريبة بنسبة ٠٫٥ في الألف على البائع والمشتري، مع خفضها لـ٠٫٢٥ في الألف بالنسبة لعمليات التداول اليومي السريع. وتم استثناء صناديق الاستثمار المقيدة في البورصة من الضريبة دي عشان يتجنبوا الازدواج الضريبي، وده في وقت بتسعى فيه الحكومة لعمل إطار ضريبي متوازن بعد سنين من التغييرات والتقلبات في السياسات الضريبية للسوق

شهد مصدرين الأسمدة النيتروجينية في مصر تبخر معظم مكاسب الأسعار الاستثنائية اللي سببتها الحرب، بعد ما نزلت أسعار التصدير لحوالي ٤٥٠ دولار للطن مقارنة بمستويات قاربت ٩٠٠ دولار في أبريل، بحسب مصادر اتكلمت لقناة العربية

حركة تصحيح حادة

 الأسعار رجعت بشكل كبير لمستوياتها الطبيعية بعد الارتفاع القوي اللي حصل بسبب الصراع الإيراني، وده مع تراجع كبار المشترين في أوروبا وأمريكا بعد ما لبوا جزء كبير من احتياجاتهم خلال طفرة الأسعار، وفقًا لما قاله مصدر في شركة إنتاج حكومية

ورغم التصحيح ده، لسه الأسعار أعلى بحوالي ١٠٪ من مستويات ما قبل الأزمة. ومع ذلك، الانخفاض ده بيضغط على مبيعات التصدير، خاصة مع استمرار فرض رسم الصادر اللي بيبلغ ٩٠ دولارًا للطن واللى بدأ تطبيقه في مايو

رسم الصادر ده بقى يمثل دلوقتي حصة أكبر بكثير من أسعار البيع الفعلية مقارنة بوقت ما كانت أسواق التصدير بتتداول قريبة من أعلى مستوياتها، وده بيزود الضغط على هوامش الأرباح

مناقصة كبيرة في الهند قابلت سوق أضعف

 الهبوط ده بيجي بعد أسابيع قليلة بس من نجاح المصدرين المصريين في اقتناص حوالي ٣٣٠٠٠٠ لـ٣٥٠٠٠٠ طن، يعني حوالي ١٥٪، من مناقصة كبيرة في الهند لشراء اليوريا بحجم ٢٫٥ مليون طن

وكان من المتوقع إن شركات بو قير للأسمدة، وموبكو، والمصرية للأسمدة تستحوذ على الحصة الأكبر من الكميات دي، في حين أمّنت شركات الإسكندرية للأسمدة، وحلوان للأسمدة، والصناعات الكيماوية المصرية - كيما الكمية المتبقية

ومن وقتها، ظروف السوق ضعفت بشكل حاد. وصرح هاني ضاحي، رئيس مجلس إدارة شركة أبو قير للأسمدة، مؤخرًا لمنصة الشرق إن أسعار الأسمدة العالمية نزلت بحوالي ٥٠٪، بسبب المنافسة القوية من الموردين الآسيويين، وتحديدًا الصين

وبحسب ضاحي، الموردين المصريين ضمنوا حصة كويسة من المناقصة بأسعار أعلى من ٨٠٠ دولار للطن، لكن المنافسة الشديدة بعد كده نزلت بالأسعار لحوالي <٥٠٠> دولار للطن

المصانع بتتحول للتخزين والسوق المحلية

 تراجع الصادرات دفع بعض المنتجين لتوجيه كميات أكبر من الإنتاج للسوق المحلي، في حين فضلت شركات تانية تخزين الإنتاج انتظارًا لطلب أقوى من أوروبا والأمريكتين في وقت لاحق من السنة دي

ورفعت شركة إنتاج حكومية حصتها المخصصة للمبيعات المحلية غير المدعمة لـ٢٠٪ من الإنتاج بدل من ١٠٪ عشان تعوض ضعف طلب التصدير

الأسعار المحلية بتتأثر كمان

 الأسعار المحلية مشيت ورا الاتجاه العالمي للهبوط. وأسعار المزادات اللي بتشرف عليها الحكومة نزلت لـ٢٣٠٠٠ لـ٢٤٠٠٠ جنيه مصري للطن الأسبوع اللي فات، مقارنة بحوالي ٢٧٠٠٠ جنيه في أوائل يونيو و٣٣٠٠٠ جنيه في ذروة الارتفاع خلال أبريل

وقال مصدر حكومي إن الأسعار الحالية يادوب بتغطي تكاليف الإنتاج، لكنها بتفضل أكتر جاذبية من بعض عقود التصدير في ظل ضعف الأسعار العالمية واستمرار رسم الصادر

ومن أول يونيو، استبدلت الحكومة مزادات الحد الأدنى للأسعار للكميات غير المدعمة بأسعار محددة مسبقًا بناءً على أسعار الأسمدة العالمية، وتكاليف الغاز الطبيعي، ومصاريف الإنتاج المحلية

الـمستثمرين بيراقبوا إيه

 بالنسبة للشركات المدرجة في البورصة زي أبو قير للأسمدة وموبكو، السؤال الأهم دلوقتي هو هل طلب التصدير هيرتد تاني خلال موسم الزراعة الخريفي، وهل أسعار الأسمدة العالمية هتقدر تستقر بعد حركة التصحيح الحادة اللي حصلت في الشهرين اللي فاتوا

وهتفضل الأسعار العالمية، ومستقبل رسم الصادر في مصر، ومدى توفر الغاز الطبيعي، هي المحركات الرئيسية لتوقعات الأرباح في القطاع ده خلال الربع السنوية الجاية

أبو قير للأسمدة - تاريخ توزيع كوبون بقيمة ١.٣٠ جنيه لكل سهم. وكان تاريخ الحق في التوزيع يوم
أبريل١٩

الوطنية للإسكان للنقابات المهنية - نهاية الحق في توزيع كوبون بقيمة ١.٧٥ جنيه لكل سهم، وتاريخ الصرف هيكون يوم ٢٩ يونيو

المصرف المتحد - تاريخ توزيع ٠٫٧٥ جنيه مصري لكل سهم. تاريخ الحق في التوزيع كان ٢١ يونيو

إي إف جي القابضة - نهاية الحق في توزيع كوبون بقيمة ٠.٢٧٨ جنيه لكل سهم، وتاريخ الصرف هيكون يوم ٢٩ يونيو

كفر الزيات للمبيدات والكيماويات - نهاية الحق في توزيع ٠.٢ سهم مجاني لكل سهم أصلي، وتاريخ الصرف هيكون يوم ٢٥ يونيو

شركة إي فاينانس - تاريخ الحق في الكوبون بقيمة ٠.١١٩ جنيه للسهم. وتاريخ الصرف هيكون ٢٩ يونيو

شركة قناة السويس لتوطين التكنولوجيا - تاريخ الحق في الكوبون بقيمة ١٣ جنيه للسهم. وتاريخ الصرف هيكون ٢٩ يونيو

شركة الشمس للإسكان والتعمير - تاريخ الحق في الكوبون بقيمة ٠.٠٥٠ جنيه للسهم. وتاريخ الصرف هيكون ٢٩ يونيو

٢٨ يونيو

الشرقية إيسترن كومباني - تاريخ توزيع كوبون بقيمة ٠.٤٥ جنيه للسهم الواحد. وكان تاريخ الحق في التوزيع يوم ٢٠ مايو

٢٩ يونيو

مصر للاسمنت - تاريخ توزيع كوبون بقيمة ٥ جنيه للسهم الواحد. وكان تاريخ الحق في التوزيع يوم ٢٢ أبريل

١. أعلنت شركة دانة غاز الإماراتية عن نجاح كبير في عمليات الحفر في مصر، ورفعت تقديرات الاحتياطيات في بئرها بمنطقة دلتا النيل لحوالي ١٠ مليارات قدم مكعب، وده أكتر من تلات أضعاف التقديرات الأولية، مع فرصة لزيادتها لـ١٢ مليار قدم مكعب، بحسب بيان حكومي. الشركة كمان شغالـة على تنفيذ برنامج استثماري بقيمة ١٠٠ مليون دولار في مصر، وبتخطط لحفر أربع آبار إضافية على نهاية سنة ٢٠٢٦. الاكتشاف ده بيدعم جهود مصر لزيادة إنتاج الغاز المحلي وتقليل واردات الغاز الطبيعي المسال، في ظل تحسن شروط السداد وتسوية المستحقات المتأخرة بالكامل مع شركات الطاقة الأجنبية

٢. بيخطط البنك الدولي لضخ استثمار بقيمة ١٥٠ مليون دولار للمساهمة في تأسيس صندوق ضمان البنية التحتية في مصر، وهي منصة بتبلغ قيمتها ٥٢٠ مليون دولار ومصممة لجذب رؤوس الأموال الخاصة. الآلية دي هتقدم ضمانات ائتمانية وضمانات لإنهاء المشروعات عشان تقلل من المخاطر، بالذات في قطاعات الطاقة والمياه والمرافق، وده هيساعد في تقليل الاعتماد على الضمانات السيادية وفتح الباب لتمويل طويل الأجل لمشروعات البنية التحتية

٣. بتخطط مصر لإصدار صكوك سيادية بقيمة ١٥٫٣ مليار جنيه مصري الشهر الجاي، كجزء من إطار عمل ممتد لعشر سنين لتسوية الالتزامات القديمة مع البنك الأهلي المصري، بحسب ما نقلته منصة الشرق عن مصادر حكومية. الاتفاق الأوسع ده بيعيد هيكلة ديون تاريخية بتزيد عن ١٢٠ مليار جنيه مصري من خلال مدفوعات على مراحل ونقل ملكية أصول، وده بيساعد في تخفيف الضغوط على الميزانية العمومية مع نقل الالتزامات تدريجيًا لموازنة الدولة بشكل مدروس ومحكوم