صباح الخير، وأهلاً بيكم في "تيلدا لينس" — نظرتكم اليومية على حركة السوق والفلوس في مصر، في دقايق

النهارده: مصر بتدرس بيع حصة استراتيجية في مصر للألومنيوم، وفاليو حصلت على الضوء الأخضر لإطلاق نشاطها في الأردن، وجورميه بتجهز لطرح في البورصة المصرية

مؤشر إي جي إكس ٣٠ نزل بنسبة ٠٫٥٤٪ وقفَل عند ٤٠٬٦٧٦ نقطة، مؤشر إي جي إكس ٧٠ نزل بنسبة ١٫٤٨٪ وقفَل عند ١٢٬٩٠٥ نقطة، ومؤشر إي جي إكس ١٠٠ نزل بنسبة ١٫٤١٪ وقفَل عند ١٧٬٠٩٨ نقطة

قيمة التداول وصلت لـ٦٫٢ مليار جنيه، من خلال ١٦٤٬٨٨٠ عملية على حوالي ١٬٩٨٦٬٢٩٦٬٥٦٩ سهم

المستثمرين المحليين كانوا الوحيدين اللي سجلوا صافي بيع

أبرز الأسهم الكسبانة في السوق كله: الإسكندرية الوطنية للاستثمارات المالية (+١٠٫٩٠٪)، إم بي للهندسة (+٩٫٧٩٪)، والشركة العربية لإدارة وتطوير الأصول (+٦٫٥٩٪)

أما الخسرانة: الخليجية الكندية للاستثمار العقاري العربي (-١٢٫٧٩٪)، بلتون القابضة (-٥٫٣١٪)، والقناة للتوكيلات الملاحية (-٥٫١٦٪)

بالنسبة لمؤشر إي جي إكس ٣٠: أبرز الكسبانة كانت مصر للألومنيوم (+٣٫٢٪)، الإسكندرية للزيوت المعدنية (+٢٫٥٪)، وإي فاينانس (+٢٫٣٪)

أما الخسرانة: بلتون القابضة (-٥٫٣١٪)، أوراسكوم للتنمية (-٤٫٢٪)، وابن سينا فارما (-٣٫٧٪)

إحصائيات مهمة تانية

سعر جرام الذهب عيار ٢٤ وصل لـ٦٬٨٦٩ جنيه، مرتفع يوميًا بنسبة ٠٫٥٣٪ ومرتفع شهريًا بنسبة ٪٦٫٧٩

الدولار وصل لـ٤٧٫٣ جنيه في البنك الأهلي المصري

١- الحكومة بتدرس صفقة قيمتها ممكن توصل لـ ٦٠٠ مليون دولار لجذب مستثمر استراتيجي لشركة مصر للألومنيوم المملوكة للدولة في الأغلبية، وفيه اهتمام بالفعل من ٣ شركات دولية، منهم شركات من الإمارات ومنطقة الخليج، حسب ما قال مصدر حكومي ل انتربرايز. (اقرا أكتر في قسم نظرة معمقة)

٢- شركة جورميه الغذائية –التابعة لشركة بي إنفستمنتس القابضة- متجها ناحية الطرح العام، والمساهمين ناويين يبيعوا حوالي ٤٠٪ من الشركة في البورصة من خلال عرض ثانوي، حسب ما قال مصدر لموقع حابي. بي انفستمنتس، قدمت المسودة الأولية للهيئة العامة للرقابة المالية، ومن المتوقع إن مجلس الإدارة يوافق على البيع الأسبوع الجاي عشان الطرح يدخل مرحلة المراجعة الرسمية

٣- شركة يو للتمويل الاستهلاكي - ڤاليو حصلت على الموافقة النهائية من البنك المركزي الأردني لإطلاق خدمات التمويل المتخصص رسميًا، ومن المتوقع بدء العمليات في الأردن في الربع الأول من ٢٠٢٦. الشركة عينت مثنى غرايبة، وزير الاستثمار الأردني السابق، رئيس لمجلس إدارة فاليو الأردن، ومحمد اليوسف رئيسًا تنفيذي، وده بيمثل بداية دخولها الكامل للسوق. الأردن سوق مهم للنمو بالنسبة لفاليو بسبب الطلب المتزايد على حلول مالية مرنة ونظام الدفع الرقمي اللي بيتطور بسرعة

٤- الجمعية العامة غير العادية لشركة العربية للصناعات الهندسية وافقت على زيادة رأس المال المرخص من ١٠٠ مليون جنيه لـ ٤٠٠ مليون جنيه، حسب ما قالت الشركة للبورصة امبارح. كمان اعتمد المساهمين تقرير تقييم الأصول المادية للشركة، و ده لتدعيم قرار مجلس الإدارة ببيع المصنع القديم للشركة في مدينة العاشر من رمضان

١- تحويلات المصريين العاملين في الخارج قفزت بنسبة ٤٢٫٥٪ في الفترة من يناير لحد نوفمبر ٢٠٢٥، لرقم قياسي حوالي ٣٧٫٥ مليار دولار مقابل ٢٦٫٣ مليار دولار في نفس الفترة من السنة اللي فاتت، حسب بيانات البنك المركزي. وفي شهر نوفمبر لوحده، التحويلات ارتفعت حوالي ٤٠٪ ووصلت لـ ٣٫٦ مليار دولار مقابل ٢٫٦ مليار دولار في نوفمبر ٢٠٢٤. الحكومة مستهدفة زيادة تحويلات المصريين بنسبة ١٠٪ سنويًا، مع استهداف وصولها لـ ٥٣ مليار دولار بحلول ٢٠٣٠ كجزء من استراتيجيتها الطويلة الأجل لتعزيز الموارد المالية الخارجية

٢- تحالف مصري-فرنسي هيبني خط سكة حديد بقيمة ١٦٠ مليون يورو يربط الميناء الجاف في مدينة العاشر من رمضان بالموانئ الرئيسية في مصر، حسب ما قال مصدرين ل "الشرق". التحالف بيضم شركتي رواد الهندسة الحديثة وكونكريت بلس المصريين مع شركة "ألستوم" الفرنسية، وهيكون مسؤول عن تصميم وتوريد وتشغيل الأنظمة الميكانيكية و الإشارات والاتصالات والتحكم المركزي

صفقة محتملة بقيمة بين ٣٠٠ مليون و٦٠٠ مليون دولار تحت التقييم مع دراسة الحكومة لجذب مستثمر استراتيجي لشركة مصر للألومنيوم، حسب ما قال مسؤول حكومي ل انتربرايز. الصفقة هتكون على شكل زيادة رأسمال، بحيث المستثمر يشتري ٣٠٪ من الشركة، وكل الأموال هتتوجه بالكامل لتوسيع نشاط الشركة

الاهتمام الدولي بالصفقة ظهر بالفعل، مع تقديم ٣ مستثمرين أجانب عروضهم، منهم شركات من الإمارات ومنطقة الخليج، حسب ما قال المصدر لموقع الأخبار.

الحكومة شغالة دلوقتي على تضييق قائمة المستثمرين واختيار الشريك المفضل خلال الأسابيع الجاية، حسب ما قال المصدر ل انتربرايز، مع التحرك لإنهاء المرحلة الجاية من العملية

حسب المصدر، الهدف الأساسي هو النمو قبل الخصخصة. أي مستثمر جديد هيكون مطلوب منه تنفيذ برنامج تطوير شامل، بيشمل مضاعفة إنتاج مصر للألومنيوم السنوي ليصل لحوالي ٦٠٠ ألف طن سنويًا، بالإضافة لإنشاء خطوط تصنيع جديدة للمنتجات الثانوية زي رقائق الألومنيوم، وتكرير أكسيد الألومنيوم، وتصنيع مكونات السيارات

تحويل الطاقة بقي عنصر أساسي في الخطة مع تغير القواعد العالمية للتجارة، خصوصًا في أوروبا، حسب ما أشار موقع الأخبار. الشركة هتشغل قريب مجمع نجع حمادي من مشروع سكاتك للطاقة الشمسية بقيمة ٦٥٠ مليون دولار — محطة بقدرة ١ جيجاوات مع ٢٠٠ ميجاوات/ساعة من التخزين بالبطاريات

حوالي ٦٠٪ من إنتاج مصر للألومنيوم مُصدر، والتحول للطاقة المتجددة هدفه الالتزام بمعايير الاستدامة في الاتحاد الأوروبي والحفاظ على وصول الشركة للأسواق المتميزة. إدارة الشركة قالت إن الخطوة دي هتساعد على الحفاظ على الطلب على الألومنيوم المصري عن طريق تقليل البصمة الكربونية للصادرات

مصر للألومنيوم سجلت انخفاض حاد في صافي أرباح الربع الأول للسنة المالية ٢٠٢٥–٢٠٢٦، بصافي دخل ٢٫٤١ مليار جنيه مقابل ٤٫٢٣ مليار جنيه قبل سنة — انخفاض ٤٣٪. الإيرادات كانت شبه ثابتة عند ١١٫٣٢ مليار جنيه مقارنة بـ ١١٫٣٣ مليار جنيه السنة اللي قبلها

Stay curious, stay invested — we’ll see you tomorrow.

Your daily market lens, signing off.