صباح الخير، وأهلاً بيكم في "تيلدا لينس" — نظرتكم اليومية على حركة السوق والفلوس في مصر، في دقايق

النهارده: التجاري الدولي مول توسعات السويدي في أوروبا بقرض جديد، أرباح كريدي أجريكول تراجعت، الإسكندرية لتداول الحاويات حددت أهداف ربحية جديدة؛ وفي نفس الوقت، الرقابة المالية أصدرت أول رخص لتداول العقود المستقبلية في البورصة

مؤشر إي جي إكس ٣٠ ارتفع بنسبة ٠٫٢٢٪ وقفَل عند ٤٩٬٧٣٩ نقطة، مؤشر إي جي إكس ٧٠ نزل بنسبة ٠٫١٤٪ وقفَل عند ١٢٬٧٧٠ نقطة، ومؤشر إي جي إكس ١٠٠ نزل بنسبة ٠٫١٦٪ وقفَل عند ١٧٬٦٦١ نقطة

قيمة التداول وصلت لـ٧٫٩ مليار جنيه، من خلال ١٦٣٬٦٢٥ عملية على حوالي ٢٬٢٥٤٬٨٤٠٬٧٠٤ سهم

المستثمرين العرب كانوا الوحيدين اللي سجلوا صافي بيع

أبرز الأسهم الكسبانة في السوق كله: المصرية للدواجن (+١٢٫٥٣٪)، المصريين للاستثمار والتنمية العمرانية (+٩٫٢٢٪)، وابن سينا فارما (+٨٫١٤٪)

أما الخسرانة: راية القابضة (-٥٫٣٪)، الإسكندرية الوطنية للاستثمارات المالية (-٤٫١٩٪)، وبرايم القابضة (-٤٫١٣٪)

بالنسبة لمؤشر إي جي إكس ٣٠: أبرز الكسبانة كانت ابن سينا فارما (+٨٫١٤٪)، راميدا (+٤٫٨٪)، وفوري (+٢٫٢٪)

أما الخسرانة: راية القابضة (-٥٫٣٪)، بلتون القابضة (-٣٫٧٪)، ومجموعة طلعت مصطفى (-٢٫٤٪)

إحصائيات مهمة تانية

سعر جرام الذهب عيار ٢٤ وصل لـ٧٬٦٤٧ جنيه، منخفض يوميًا بنسبة ١٫٥٠٪ لكنه مرتفع شهريًا بنسبة ٪١١٫٨٠

الدولار وصل لـ٤٦٫٩١ جنيه في البنك الأهلي المصري

١- البنك التجاري الدولي قدم قرض بقيمة ٥٨ مليون يورو لشركة السويدي إليكتريك تمويل شغلها في محطة كهرباء بالمجر تكلفتها ٧٠٠ مليون يورو. السويدي اشتغلت مع شركاء محليين لتنفيذ المشروع، اللي مخطط يخلص في ٢٠٢٨ ويكون أول محطة بتشتغل بالهيدروجين هناك

٢- صافي ربح بنك كريدي أجريكول تراجع بنسبة ١٣.٣٪ ل ٦.٩٦ مليار جنيه في ٢٠٢٥، نزولاً من ٨.٠٣ مليار جنيه في السنة اللي قبلها. ورغم انخفاض الأرباح، إيرادات البنك من الفوايد ارتفعت وسجلت ١٨.٦٥ مليار جنيه خلال العام، مقارنة بـ ١٧.٩٤ مليار جنيه في ٢٠٢٤

٣- شركة الإسكندرية لتداول الحاويات بتستهدف تحقيق صافي ربح ٩.٥٦ مليار جنيه في موازنة ٢٠٢٦. المستهدف ده جي بعد ما الشركة حققت صافي ربح ٦.٦ مليار جنيه في السنة المالية المنتهية في يونيو اللي فات، بنمو سنوي ٪٥.٥

٤- الرقابة المالية ادت الضوء الأخضر لشركة "العربي الإفريقي الدولي لتداول الأوراق المالية" و"الأهلي فاروس" كأول وسطاء مرخصين لتداول العقود المستقبلية في البورصة. الخطوة دي بتفتح السكة لإطلاق سوق المشتقات في مارس اللي جاي، واللي هيبدأ بعقود على مؤشر إي جي إكس ٣٠ 

خبر عن طرح جورميه

أسهم جورميه هتبدأ تداول في البورصة يوم التلات الجاي بسعر ٦.٩٠ جنيه، والحدود السعرية في أول جلسة هتكون مفتوحة لضعف النسبة العادية (٤٠٪). هيتم تفعيل "صندوق استقرار السعر" لمدة ٣٠ يوم، عشان تدي فرصة للمكتتبين يبيعوا لمدير الطرح بنفس سعر الاكتتاب لو حبوا

١- الحكومة بتخطط لرصد حوالي٢٥٠ مليار جنيه في موازنة العام المالي ٢٠٢٦-٢٠٢٧ لتمويل مبادرات دعم قطاعات الصناعة والتصدير والسياحة، حسب ما قال مسؤول حكومي ل "إنتربرايز". الخطة دي بتيجي عشان تخدم هدف الوصول لـ ١٤٥ مليار دولار صادرات، ومن المتوقع توجيه أكتر من ١٠٠ مليار جنيه منها للصناعة، في الوقت اللي بتدرس فيه الدولة تأسيس صندوق لتنظيم عمليات التمويل بين "المالية" والبنك المركزي

٢- شركة سكاتك النرويجية بتخطط لضخ ٥ مليار دولار في مشروعات مستقبلية للطاقة المتجددة في مصر، وده بخلاف الـ ٦٠٠ مليون دولار المرصودة لمحطة نجع حمادي، وفقاً لتصريحات الرئيس التنفيذي للشركة لـ "الشرق". ومع قرب انتهاء أعمال الإنشاءات في "نجع حمادي" الصيف ده، الشركة بدأت تتحرك لتنفيذ مشروع ضخم جديد في المنيا لإنتاج ١.٩٥ جيجاوات، في خطوة بتدعم مستهدف الحكومة للوصول بنسبة الطاقة المتجددة لـ ٤٢٪ من مزيج الكهرباء بحلول ٢٠٣٠