النهاردة: معانا أحدث نتائج أعمال شركات المصرية للاتصالات، وبالم هيلز، ومصر للإسمنت، وبنيان، وشركات تانية كببرة مدرجة في البورصة. ده غير أخبار مهمة تخص شركتي المصرية للمنتجعات السياحية ومصر للألومنيوم. يلا نشوف التفاصيل

مؤشر إي جي إكس ٣٠ طلع بنسبة ٠٫٣٪ يوم الخميس وقفَل عند ٥٢٠٩٠ نقطة، في حين إن مؤشر إي جي إكس ٧٠ نزل بنسبة ٠٫٢٪ وقفَل عند ١٤٣٩٩ نقطة، ومؤشر إي جي إكس ١٠٠ كمان زاد بنسبة ٠٫٢٪ وقفَل عند ٢٠١٣٥ نقطة

قيمة التداول وصلت لـ ٦٫٧٥٩ مليار جنيه، من خلال ١٦٨٬٣٠٨ عملية على حوالي ١٬٥٦٦٬٣٣٨٬٠٢٣ سهم

المستثمرين الإقليميين كانوا الوحيدين اللي سجلوا صافي بيع

أبرز الأسهم الكسبانة في السوق كله: جو جرين للاستثمار الزراعي (+١٣٫٠٪)، أوراسكوم للتنمية (+٨٫٣٪)، والمصرية للأقمار الصناعية “نايل سات” (+٤٫٤٪).

أما الخسرانة: مصر للفنادق (-٦٫٠٪)، المصرية للمنتجعات السياحية (-٥٫٥٪)، والوطنية للطباعة (-٤٫٩٪)

بالنسبة لمؤشر إي جي إكس ٣٠: أبرز الكسبانة كانت أوراسكوم للتنمية (+٨٫٣٪)، مصر للأسمنت (+٣٫٥٪)، وبالم هيلز للتعمير (+٢٫٨٪)

أما الخسرانة: الشرقية ايسترن كومباني (-٢٫٩٪)، مصر الجديدة للإسكان والتعمير (-١٫٤٪)، وراميدا (-٠٫٨٪)

إحصائيات مهمة تانية

سعر جرام الذهب عيار ٢٤ وصل لـ ٧٨٧١ جنيه، مرتفع بنسبة ١٫١٪ يوميًا لكنه منخفض بنسبة ٢٫٩٪ شهريًا

الدولار كان بيتداول عند ٥٢٫٨٧ جنيه في البنك الأهلي المصري

أعلنت الشركة المصرية للاتصالات عن تسجيل صافي ربح بقيمة ٣.٦ مليار جنيه في الربع الأول من ٢٠٢٦، بتراجع نسبته ٢٣% على أساس سنوي، بحسب أحدث إفصاح عن نتائج أعمالها. وجاء التراجع ده بشكل أساسي بسبب ارتفاع خسائر فروق العملة غير النقدية واللّي بلغت ٥.٣ مليار جنيه، وزيادة بنسبة ١٥% في الإهلاك والاستهلاك، واللّي قللت جزئياً من تأثير الأداء التشغيلي القوي والانخفاض اللّي حصل في مصروفات الفوائد بنسبة %٢٥

الإيرادات بتقفز ١٤% بدعم من محركات متعددة

وصل إجمالي الإيرادات لـ ٢٨.٢ مليار جنيه، مسجلاً زيادة بنسبة ١٤% مقارنة بالسنة اللّي فاتت. وجاء النمو ده بدفع من زخم واسع النطاق في القطاعات الرئيسية، وقاده ارتفاع إيرادات قطاع البيانات بنسبة ٢٣% على أساس سنوي، واللّي ساهم بنسبة ٦٩% من إجمالي نمو الإيرادات. وبشكل عام، نمت إيرادات التجزئة بنسبة ٢٠% على أساس سنوي، في حين شهدت إيرادات الجملة زيادة بنسبة %٥

أبرز مؤشرات الأداء التشغيلي والقطاعات

وحدات أعمال المنزل والاتصالات الشخصية: حققت إيرادات بقيمة ١٤.٤٠ مليار جنيه (بزيادة ٢١% على أساس سنوي)، وجاءت مدفوعة بنمو إيرادات البيانات بنسبة ٢٣% على أساس سنوي، وبدعم من زيادة متوسط الإيراد لكل مستخدم بنسبة ١٣% وتوسع قاعدة العملاء بنسبة %٨

مشاريع ومكالمات السعة الدولية: وصلت إيراداتها لـ ٥.٥١ مليار جنيه، بنمو ٢٤% على أساس سنوي، وبدعم قوي من زيادة إيرادات المكالمات الدولية الواردة بنسبة ٢٧% علشان تسجل ٤.١ مليار جنيه

قاعدة العملاء: شهدت نمواً في كل الفئات، وارتفع عدد مشركي الهاتف المحمول بنسبة ٧%، والإنترنت الأرضي فائق السرعة بنسبة ٨%، والاتصالات الصوتية الأرضية بنسبة ٧% على أساس سنوي

نظرة مستقرة للمستقبل

أشارت الإدارة إلى إن الشركة بتدخل الفترات اللّي جاية مدعومة بمقومات أساسية قوية، وبتعززها تعديلات أسعار الخدمات اللّي أعلن عنها الجهاز القومي لتنظيم الاتصالات مؤخراً واللّي بتسمح بتعديل أسعار خدمات الإنترنت الأرضي والمحمول بنسب تتراوح بين ١٣% و١٥%، ده غير الاستراتيجية الوطنية للطيف الترددي ٢٠٢٦–٢٠٣٠ واللّي هتسمح بتشغيل خدمات الجيل التالي، بما فيها الإطلاق المستمر لخدمات الجيل الخامس. وهيفضل التركيز في سنة ٢٠٢٦ على مواصلة ترقية البنية التحتية وتدعيم مرونتها مع إدارة رأس المال بشكل حذر

أداء السهم في الفترة الأخيرة

شهدت الشركة بداية قوية جداً من أول السنة، وارتفع سعر سهمها بنسبة ٤٥.١% من بداية سنة ٢٠٢٦. والمستويات دي بتخلي قيمة السهم مرتفعة بنسبة ١٦٨.٢% مقارنة بالمستويات اللّي اتسجلت من ١٢ شهر فاتوا

أعلنت شركة بالم هيلز للتعمير عن تسجيل صافي ربح مجمع بعد الضرائب وحقوق الأقلية بقيمة ١.٢ مليار جنيه في الربع الأول من سنة ٢٠٢٦، بتراجع نسبته ٢١.٧% على أساس سنوي. وجاء التراجع ده بشكل أساسي بسبب التأثر بالأثر الناتج عن عملية بيع أرض استثنائية (فترة مقارنة عالية) اتسجلت في نفس الفترة من السنة اللّي فاتت، بحسب أحدث قوائمها المالية. وفي المقابل، ارتفعت الإيرادات بنسبة ١١.٣% على أساس سنوي علشان توصل لـ ٩.٣ مليار جنيه، مدعومة بالنمو القوي في المبيعات الجديدة والاعتراف بالإيرادات المتراكمة

الطلب على العقارات لسة قوي

سجلت المبيعات الجديدة نمو بنسبة ٥٨% على أساس معدل ومقارنة بمتوسط المبيعات المعتادة لتوصل لـ ٥٢ مليار جنيه، وده بدفع من الإطلاقات الناجحة والأداء المتميز في كل المناطق التشغيلية. وكان مشروع الشركة اللّي تم إطلاقه مؤخراً في العاصمة الإدارية الجديدة على مساحة ٣١٥ فدان، "فيلدج دي لا كابيتال"، هو النجم الأبرز خلال الربع ده بعد ما حقق مبيعات بمطالب إجمالية وصلت لـ ٢٤ مليار جنيه

وقادت منطقة شرق القاهرة الأداء الإجمالي بعد ما قفزت مبيعاتها لـ ٢٩.٥ مليار جنيه مقارنة بـ ١١.٥ مليار جنيه في الربع الأول من سنة ٢٠٢٥، بدعم من مشروعات "فيلدج دي لا كابيتال"، و"بالم هيلز القاهرة الجديدة"، و"٩٧ هيلز". وفي الوقت نفسه، حققت منطقة غرب القاهرة و"باديا" مبيعات بقيمة ١٦.٦ مليار جنيه، منها ٥.٥ مليار جنيه مبيعات سكنية في مشروع "باديا" لوحده. أما مبيعات منطقة الساحل الشمالي والإسكندرية فبلغت ٥.٤ مليار جنيه، وجاءت مدفوعة بمشروعات "هاسيندا حنيش"، و"هاسيندا بلو"، وهاسيندا ووترز

الإيرادات المتكررة بتواصل التوسع

استمرت الإيرادات المتكررة في النمو والاتساع عبر قطاعات الضيافة، والتعليم، والأصول الرياضية، وده ساعد في تنويع مصادر التدفقات النقدية بعيد عن مبيعات العقارات السكنية وبس. وبتدير المجموعة حالياً سبعة فنادق وثلاثة نوادي رياضية، ده بجانب حصتها الاستراتيجية اللّي بتبلغ ٣٢.٦١% في شركة تعليم لخدمات الإدارة، واللّي بتعد واحدة من أكبر مقدمي قطاع التعليم العالي في مصر

نظرة مستقرة للمستقبل

بتستعد شركة بالم هيلز كمان لإطلاق مشروع "هاسيندا رأس الحكمة" في الساحل الشمالي الشهر الجاي، وده في إطار مواصلة الشركة لتوسيع تواجدها في قطاعي الفنادق والخدمات الفاخرة. وصرح حازم بدران، الرئيس التنفيذي المشارك والعضو المنتدب للشركة، لقناة العربية بيزنس يوم الخميس، إن من المتوقع يحقق المشروع مبيعات بقيمة ٥٠ مليار جنيه خلال السنة الحالية

وجدير بالذكر إن الشركة أنهت الربع الأول برصيد ضخم من الوحدات المباعة وغير المسلمة (الإيرادات المتراكمة) وصل لـ ٢٦٣ مليار جنيه، ارتفاعاً من ١٩٠ مليار جنيه في الربع الأول من السنة اللّي فاتت، وده بيدي رؤية ووضوح ممتازين للإيرادات المستقبلية

أداء السهم في الفترة الأخيرة

شهدت الشركة بداية قوية جداً من أول السنة، وارتفع سعر سهمها بنسبة ٥٩.٢% من بداية سنة ٢٠٢٦. والمستويات دي بتخلي قيمة السهم مرتفعة بنسبة ١٠٦.٤% مقارنة بالمستويات اللّي اتسجلت من ١٢ شهر فاتوا

١. أعلنت شركة مصر للإسمنت عن قفزة بنسبة ١٥٥% على أساس سنوي في صافي أرباحها المجمعة للربع الأول من سنة ٢٠٢٦ علشان تسجل ٧٩٣.٦ مليون جنيه، بحسب أحدث قوائمها المالية. وارتفعت صافي المبيعات لـ ٢.٢١ مليار جنيه مقارنة بـ ١.٨٢ مليار جنيه في نفس الفترة من السنة اللّي فاتت. وشهد سعر سهم الشركة صعود بنسبة ١٣.٥% من بداية سنة ٢٠٢٦ بعد ما كسب ٣.٥% بنهاية تعاملات يوم الخميس، وبالمقارنة بالمستويات اللّي اتسجلت من سنة فاتت، فقيمته الاستثمارية زادت بنسبة %٥٥٥

٢. سجلت شركة النساجون الشرقيون صافي ربح مجمع بقيمة ٨٩٣ مليون جنيه في الربع الأول من السنة، بزيادة ٦٢% على أساس سنوي، وفقاً لأحدث نتائج أعمالها. وارتفعت صافي المبيعات بنسبة ٨.٥% لتوصل لـ ٦.٩٤ مليار جنيه. وفي المقابل، تراجع سعر سهم الشركة بنسبة ٧% من بداية سنة ٢٠٢٦، وتعتبر قيمته شبه مستقرة ومن غير أي تغيير جوهري مقارنة بالمستويات اللّي اتسجلت من ١٢ شهر فاتوا

٣. حقق المصرف المتحد تراجع بنسبة ٢١% على أساس سنوي في أرباحه المجمعة للربع الأول والعائدة للمساهمين، علشان تنزل لـ ٦١٥ مليون جنيه وده بالرغم من النمو المستمر في ميزانيته العمومية، بحسب أحدث قوائمه المالية. وارتفع صافي دخل الفوائد بنسبة ٩% ليسجل ١.٣٧ مليار جنيه، في حين نمت ودائع العملاء والقروض بنسب ١٢% و١٨% على التوالي مقارنة بنهاية سنة ٢٠٢٥. وتراجع سعر سهم البنك بنسبة ٧.٩% من بداية سنة ٢٠٢٦، وبالمقارنة بالمستويات اللّي اتسجلت من سنة فاتت، فقيمته نازلة بنسبة %٢.٧

٤. حققت شركة بنيان للتنمية والتجارة بداية قوية لسنة ٢٠٢٦، بعد ما قفز صافي دخلها بنسبة ٤٢.٣% على أساس سنوي لتوصل لـ ٥٩٣.٣ مليون جنيه، وبدفع من الزخم الجديد في المبيعات وزيادة بقيمة ٨٠٠ مليون جنيه في محفظتها الاستثمارية، بحسب أحدث نتائجها. وارتفعت الإيرادات بنسبة ١٠٦% خلال الربع الأول لتسجل ٣٧٠ مليون جنيه، بدعم من إعادة إطلاق المبيعات في مشروع "واك أوف كايرو" بالإضافة لزيادة إيرادات الإيجارات الناتجة عن إعادة تسعير العقود وتجديدها والإيجارات الجديدة. وارتفع سعر سهم الشركة بنسبة ٢٥.٧% من بداية سنة ٢٠٢٦ بعد ما كسب حوالي ٢% بنهاية تعاملات يوم الخميس، وبالمقارنة بالمستويات اللّي اتسجلت من سنة فاتت، فقيمته نازلة بنسبة %٥.١

 أخبار تانية بعيد عن الأرباح

٥. قضت محكمة بوقف قرار مثير للجدل كانت أصدرته الهيئة العامة للاستثمار بفرض انتخابات مجلس إدارة جديدة في شركة المصرية للمنتجعات السياحية، المطور العقاري لمشروع سهل حشيش في البحر الأحمر، بحسب نشرة إنتربرايز. ويدور النزاع الأساسي حوالين تحالف مساهمين بيحاولوا يسووا عقود أراضي مقومة بالدولار على سعر صرف ثابت بـ ١٠ جنيه للدولار الواحد، في الوقت اللّي السعر في السوق حالياً عند الـ ٥٣ جنيه، وجاء الحكم القضائي علشان يوقف مؤقتاً خطة تغيير الإدارة ويعزز حماية المستثمرين ضد أي تدخلات تنظيمية مفرطة. وجدير بالذكر إن سعر سهم الشركة نزل بنسبة ٥.٥% بعد الخبر ده يوم الخميس. ورغم كده، فالسهم شهد بداية ممتازة من أول السنة، وقيمته زادت بنسبة ١٢٧.٩% من بداية ٢٠٢٦. وبالمقارنة بالمستويات اللّي اتسجلت من سنة فاتت، فقيمته الاستثمارية مرتفعة بنسبة %١٠٤.٤

٦. وفي قطاع الصناعة، بتتسابق جهات تمويل دولية علشان تمول مشروع مصفاة الألومينا اللّي بتخطط له شركة مصر للألومنيوم بقيمة ٣ مليار دولار بالشراكة مع شركة ألبا البحرينية، واللّي هيكون أول مصفاة ألومينا شغالة في مصر وأحد أكبر المشروعات الصناعية في البلد، بحسب تصريحات العضو المنتدب لشركة مصر للألومنيوم، محمود عجور، لنشرة إنتربرايز. وبيعتبر المشروع ده جزء من استراتيجية توسع أكبر هدفها مضاعفة القدرة الإنتاجية للألومنيوم في مصر ٤ مرات لتوصل لحوالي ١.٢ مليون طن سنوياً. سعر سهم الشركة ارتفع بنسبة ٢.٧% بعد الخبر ده يوم الخميس. كمان السهم شهد بداية كويسة من أول السنة، وقيمته زادت بنسبة ٣٨.٣% من بداية ٢٠٢٦. وبالمقارنة بالمستويات اللّي اتسجلت من ١٢ شهر فاتوا، فقيمته الاستثمارية مرتفعة بنسبة %١٢١.١

شركة مدينة مصر للإسكان والتعمير— تاريخ توزيع كوبون بقيمة ٠.١٥ جنيه لكل سهم. وكان تاريخ الحق في التوزيع يوم ١٩ مايو

الشرقية إيسترن كومباني — تاريخ توزيع كوبون بقيمة ١ جنيه لكل سهم. وكان تاريخ الحق في التوزيع يوم ٢٠ مايو

١. قرر البنك المركزي المصري تثبيت أسعار الفائدة من غير تغيير للمرة الثانية على التوالي في اجتماعات سنة ٢٠٢٦، علشان يستقر سعر عائد الإيداع لليلة واحدة عند ١٩% وسعر الإقراض عند ٢٠%، في وقت بيحاول فيه صانعي السياسات التوازن بين مخاطر التضخم والتقلبات اللّي بتشهدها الأسواق العالمية. وفي نفس الوقت، رفع البنك المركزي بشكل كبير من توقعاته لمعدلات التضخم، وبيتوقع حالياً أن متوسط التضخم يسجل بين ١٦% و١٧% في سنة ٢٠٢٦ مقارنة بتوقعاته السابقة اللّي كانت عند ١١%، وأرجع ده للضغوط الناتجة عن أسعار الطاقة وتقلبات سعر الصرف

٢. أعلنت الحكومة المصرية إنها قدرت تحدد وتصنف أكتر من ٦٠٠ شركة مملوكة للدولة أو تابعة ليها، وده من خلال منصة رقمية جديدة بتشتغل بتقنيات الذكاء الاصطناعي بهدف تطوير وإعادة هيكلة الإشراف على الأصول العامة. وبتيجي المبادرة دي كجزء من تحرك أوسع لإعادة هيكلة الاستثمارات الحكومية، وتسريع خطط الطروحات الأولية، وتحسين الحوكمة، وتوسيع مشاركة القطاع الخاص، مع البدء فعلياً في تجهيز عدد من الشركات دي للطروحات المستقبلية في البورصة المصرية