النهاردة: معانا أحدث النتائج المالية لشركات بي إنفستمنتس، وجورميه، ومرسيليا المصرية الخليجية للاستثمار العقارى + خبر عن إطلاق مشروع جديد لشركة أوراسكوم للتنمية

مؤشر إي جي إكس ٣٠ ارتفع بنسبة ٣٫١٪ وقفَل عند ٤٦٬٧٣١ نقطة، مؤشر إي جي إكس ٧٠ ارتفع بنسبة ١٫٣٪ وقفَل عند ١٢٬٧٠٣ نقطة، ومؤشر إي جي إكس ١٠٠ ارتفع بنسبة ١٫٥٪ وقفَل عند ١٧٬٦٨٨ نقطة

قيمة التداول وصلت لـ٦٫٣٤٨ مليار جنيه، من خلال ١٣٥٬١٥٠ عملية على حوالي ١٬٨٧٨٬٥٦٦٬٠٥٤ سهم

المستثمرين الإقليميين كانوا الوحيدين اللي سجلوا صافي بيع

أبرز الأسهم الكسبانة في السوق كله: مجموعة النعيم العقارية القابضة (+١٠٫٩٪)، المطورون العرب القابضة (+٩٫٩٪)، والشركة العربية لإدارة وتطوير الأصول (+٩٫٦٪)

أما الخسرانة: قناة السويس لتوطين التكنولوجيا (-٧٫٢٪)، بنك التعمير والاسكان (-٦٫٦٪)، ومجموعة جى . أم . سى للاستثمارات الصناعية و التجارية المالية (-٤٫٦٪)

بالنسبة لمؤشر إي جي إكس ٣٠: أبرز الكسبانة كانت المصرية للاتصالات (+٧٫٥٪)،مجموعة طلعت مصطفى القابضة (+٦٫٠٪)، وابن سينا فارما (+٤٫٧٪)

أما الخسرانة: القلعة (-٢٫٠٪)، مصر للألومنيوم (-٠٫٨٪)، وإيديتا (-٠٫٨٪)

إحصائيات مهمة تانية

٪سعر جرام الذهب عيار ٢٤ وصل لـ٨٬٢٧٠ جنيه، نازل يوميًا بنسبة ١٫٥٪ ونازل شهريًا بنسبة ١٫٣

الدولار وصل لـ٥٣٫٥٧ جنيه في البنك الأهلي المصري

١. سجلت شركة بي إنفستمنتس القابضة تراجع حاد في صافي أرباحها بنسبة ٦٠٪ خلال سنة ٢٠٢٥، ووصلت الأرباح لـ ٦٥٤.١٢ مليون جنيه، بحسب أحدث نتائجها المالية. وسعر سهم الشركة زاد بنسبة ٢.٣٪ بنهاية تعاملات إمبارح بعد إعلان النتائج، وده بيخلي إجمالي مكاسب السهم في آخر ١٢ شهر توصل لـ ٦٥.٣٪. (اقرأ أكتر في قسم نظرة معمقة)

٢. أعلنت شركة جورميه - اللي بتمتلك فيها بي إنفستمنتس حصة ٤٠٪ - عن ارتفاع صافي أرباحها المجمعة بنسبة ٥٦.٤٪ على أساس سنوي، عشان توصل لـ ٢١١.٢ مليون جنيه في ٢٠٢٥. والإيرادات زادت لـ ٢.٨٨ مليار جنيه مقارنة بـ ٢.١٢ مليار جنيه في السنة اللي قبلها، وده وفقاً لأحدث قوائمها المالية. وبعد النتائج دي، اقترح مجلس إدارة الشركة توزيع كوبون نقدي بقيمة ٠.٢١٦٩ جنيه للسهم، وفي انتظار موافقة المساهمين. والجدير بالذكر إن قيمة سهم الشركة زادت بنسبة تقارب ١٤٪ من وقت إدراجها في البورصة المصرية في فبراير ٢٠٢٦

٣. حققت شركة مرسيليا المصرية الخليجية للاستثمار العقارى سنة استثنائية، بعد ما قفز صافي أرباحها بنسبة ٥٥٨.٨٪ على أساس سنوي عشان يوصل لـ ١٠٥.١٥ مليون جنيه في ٢٠٢٥، بحسب أحدث نتائجها المالية. النمو في الإيرادات كان قوي بنفس الدرجة، بعد ما نطت لـ ١.١١ مليار جنيه مقارنة بـ ٢٤٥.٧ مليون جنيه في ٢٠٢٤. وسعر سهم الشركة زاد بنسبة ٣.١٪ بنهاية تعاملات إمبارح بعد أخبار النتائج، وده بيوصل مكاسب السهم خلال الـ ١٢ شهر اللي فاتوا لـ ٪٤٥.٧

أخبار غير متعلقة بالارباح

٤. أطلقت شركة أوراسكوم للتنمية القابضة مشروع "نوبا" السكني في الجونة، والمنفذ بيضم ٩٧ وحدة، وبتستهدف الشركة مبيعات بـ ٣ مليار جنيه وتنفيذ المشروع خلال سنتين، بحسب جريدة حابي. الشركة كمان اتعاونت مع مجموعة أكور عشان تغيير العلامة التجارية لفندقها اللي بيضم ٤٢٠ غرفة من موفنبيك لسوفيتيل، مع بدء عمليات التطوير على مراحل من ٢٠٢٧. وبتخطط أوراسكوم لإسناد عقود مقاولات محلية بـ ٥ مليار جنيه، وإطلاق مشروعات جديدة، وبتستهدف وصول نسب الإشغال الفندقي لـ ٧٦-٧٨٪ بنهاية السنة. يذكر إن قيمة سهم الشركة زادت بنسبة ٢٪ بس خلال الـ ١٢ شهر اللي فاتوا

٥. مقرر قيد ١٠ شركات حكومية مؤقتاً في البورصة المصرية خلال الأسبوعين الجايين، مع توقعات بقيد ١٠ شركات تانية بنهاية شهر أبريل، بحسب بيان لمجلس الوزراء. عمليات القيد دي جزء من خطة أكبر لجمع من ٣ لـ ٤ مليار دولار تدفقات فورية السنة دي، ضمن مستهدف كلي لجمع ٦ مليار دولار في السنة المالية الجاية

 ٦ أابريل

البنك التجاري الدولي - نهاية الحق في كوبون بقيمة ٦ جنيه للسهم. وتاريخ التوزيع يوم ٩ أبريل

بنك التعمير والإسكان - نهاية الحق في كوبون بقيمة ٨ جنيه للسهم. وتاريخ التوزيع يوم ٩ أبريل

٧ أبريل

الملتقى العربي للاستثمارات - نهاية الحق في كوبون بقيمة ٠.١٠ جنيه للسهم. وتاريخ التوزيع يوم ١٤ أبريل

٩ أبريل

العربية للأسمنت - نهاية الحق في كوبون بقيمة ٥.٣٤ جنيه للسهم. وتاريخ التوزيع يوم ١٦ أبريل

بنك البركة - نهاية الحق في كوبون بقيمة ١.١ جنيه للسهم. وتاريخ التوزيع يوم ١٦ أبريل

المصريين للإسكان والتنمية والتعمير - نهاية الحق في كوبون بقيمة ٠.١ جنيه للسهم. وتاريخ التوزيع يوم ١٦ أبريل

أعلنت شركة بي إنفستمنتس القابضة عن انخفاض صافي أرباحها بنسبة ٦٠٪ خلال سنة ٢٠٢٥، ووصلت الأرباح لـ ٦٥٤.١٢ مليون جنيه بعد ما كانت ١.٦٥ مليار جنيه في ٢٠٢٤. وفي المقابل، الإيرادات السنوية زادت بنسبة بسيطة وسجلت ٩٨٨.١٧ مليون جنيه مقارنة بـ ٩٧٠.٢٤ مليون جنيه في السنة اللي قبلها

وضحت الشركة إن الضربة القوية اللي حصلت للأرباح كان سببها الأساسي تقلبات أسعار العملة، لدرجة إن وضع الشركة اتقلب من تحقيق مكاسب فروق عملة بقيمة ١.١٦ مليار جنيه في ٢٠٢٤ لخسارة بلغت ١٨١.٢ مليون جنيه في ٢٠٢٥

نبذة عن الشركة

تأسست شركة بي إنفستمنتس في سنة ٢٠٠٦، وبقت واحدة من أكبر شركات الاستثمار المباشر ورأس المال في مصر. الشركة اعتمدت على الاستحواذ على حصص في شركات مصرية واعدة، وطورتها سواء عشان تخرج منها بعد كدة أو تديرها عشان تحقق عوائد طويلة الأجل

 وأهم المساهمات اللي بتمتلكها الشركة هي

أو بي فينانشال القابضة (أوراسكوم المالية سابقاً): حصة بنسبة ٦٨.٩٪ تقريباً

جورميه مصر (قطاع الأغذية): حصة بنسبة ٤٠٪ تقريباً

مدينة مصر (عقارات): حصة بنسبة ٧٪ تقريباً

كونتكت المالية القابضة (خدمات مالية غير مصرفية): حصة اقتصادية بنسبة ٢٠.١٪ تقريباً

صيدليات العزبي (أدوية): ملكية بنسبة ٤٩٪، وده حسب تقرير من الشرق

بي للاستثمار في الرعاية الصحية: حصة أغلبية بنسبة ٧٠٪ تقريباً، وبتشمل ٥١٪ من المركز المصري لأطفال الأنابيب و٥١٪ من مراكز الرياض للخصوبة

بساطة الدولية القابضة (مدفوعات إلكترونية): حصة اقتصادية بنسبة ١٧٪ تقريباً

بساطة لتمويل المشروعات متناهية الصغر: حصة اقتصادية بنسبة ٪٢٠

مجموعة تمويل (خدمات مالية غير مصرفية): حصة اقتصادية بنسبة ١٠٪ تقريباً من خلال "بساطة المالية القابضة" (اللي بتمتلك ٤٧٪ من تمويل)

إنفينيتي سولار (طاقة متجددة): حصة اقتصادية بنسبة ١٢٪ تقريباً في تلات محطات طاقة شمسية في بنبان

خطط التوسع والاستثمار

في مقابلة مع "العربية بيزنس"، قال حازم بركات إن "بي إنفستمنتس" بتدرس حالياً خيارات التخارج من محفظتها، بما فيها احتمالية الطرح في البورصة المصرية لاستغلال تحسن ظروف السوق. وأضاف إن صيدليات العزبي بتخطط لطرح أولي محتمل في ٢٠٢٧، رغم إن الخطط لسه في مراحلها الأولى. كمان المجموعة بتستهدف صفقات في حدود ٢ لـ ٣ مليار جنيه في سنة ٢٠٢٦